73歲的錢南章，初中開始學鋼琴，文化2學院音樂系、德國慕尼黑音樂院畢業了後，也教幾十冬的冊，濟濟通人知的作品，攏出自伊手。
作曲家，錢南章表示：「人問我講，你靈感對佗位來的？我就講我無相信靈感這種代誌，我佇鋼琴頂懸彈一百改，我若需要一个旋律，彈到一百改，我共頭前的九十九擺全部攏擲掉，賰落來的彼一改，對我來講就是靈感。」
佇伊的身上，看著綿爛打拼，2013年自北藝大退休的錢南章，因為受著濟濟邀請,到今猶持續咧編曲，佇鋼琴頂的樂譜，就是伊當咧寫的第九號交響曲，自第一交響曲開始，已經16冬，堅持的是一種對音樂的熱情，也親像一位音樂魔術師。
作曲家，錢南章表示：「𥰔仔也好，變成喇叭也好，變成小提琴也好，變成打擊樂的伴奏也好。阮是欲愛足濟足濟，無仝款的可能性。因為咱作曲毋是永遠只做一種曲，咱愛做足濟無仝款的可能。」
「一人談笑千古詩，十指弄出萬軍兵。」-《李天祿的四個女人》
參加過舞台劇閣有歌劇的音樂創作，錢南章將各種素材融入作曲，也受著濟濟獎項肯定，親像1997-2005年擊鼓、馬蘭姑娘、佛教涅槃曲等等就相連紲提著金曲獎-最佳作曲人獎，也著過第九屆國家文藝獎等等大獎，這改也是第42屆的吳三連藝術獎的著獎者。
作曲家，錢南章表示：「耳空寫害去矣，目睭也寫害去矣，這我家己做得來的，毋過咱人生就是追求一个目標，會當行到這一步，我家己是真感謝所有共我鬥相共的人，也真感謝我的牽手。」
錢南章久年來用族群文化、文學、自然生態等等多元議題深耕台灣音樂，當咧寫的第九號交響樂預計年底寫了，也是欲完全退休前的最後作品，預計明年也將會舉辦演奏會。
錢南章久年來用族群文化、文學、自然生態等等多元議題深耕台灣音樂，當咧寫的第九號交響樂預計年底寫了，也是欲完全退休前的最後作品，預計明年也將會舉辦演奏會。在頒獎典禮上，獲得藝術獎的作曲家錢南章致詞時說，「有人問我靈感是怎麼來的，我都說，我在鋼琴上試了一百個音符後，刪掉不對的九十九個，最後那一個就是我的靈感」，他曾經一度想把自己的樂譜和創作捐給國家後，就開始過悠閒的退休生活，但現在「我的第九號交響曲就快完成了，只差一點點，我一定可以把它做完！」
(資料來源：公視新聞網)